Merħba fil-websajt uffiċjali tad-Direttorat għall-Informazzjoni fuq is-Saħħa u Riċerka (DHIR)!

Id-Direttorat għall-Informazzjoni fuq is-Saħħa u Riċerka jmexxi l-ġbir, l-analiżi u t-twassil ta’ informazzjoni relatata mas-saħħa f’Malta. Jipprovdi informazzjoni epidemjoloġika ta’ kwalità għolja u indikaturi fuq is-saħħa tal-popolazzjoni u s-servizzi tas-saħħa. L-informazzjoni dwar is-saħħa hija disponibbli għal dawk li jfasslu l-politika u jieħdu d-deċiżjonijiet, għall-pubbliku inġenerali, istituzzjonijiet interessati, u oħrajn li jistgħu jeħtieġuha. Jiġu żviluppati inizjattivi ta’ riċerka u tingħata assistenza lill-Uffiċjal Mediku Prinċipali billi tiġi kontribwita l-evidenza neċessarja għall-formulazzjoni ta’ politika u strateġija fil-qasam tas-saħħa pubblika u tas-servizzi tas-saħħa kemm għall-programmi eżistenti u dawk proposti.